Ğeribi

Ğeribi
Şairin Sesinden
Mı ni wısar di ni zi omnon,
Mı ri tiya tım payız u zımıston
Pel nikerd a, vıl ni da daron,
Ez celi dı biya ze extiyaron
Ahh, derd u kuli ıni bajaron,
Ahh derd u kuli ına xeribi,
Ni herra tedi ni zi gemm,
Merdum gena tasa u ğem,
Miyun beton di şıkiyawa ze yo lem,
Ca çiniku ez tera bıremi,
Şewu u ruej qayıla bıvin kuwo u çem,
Ahh derd kuli in bajaron,
Ahh derd u kuli ına xeribi,
Hemı ca kerd ruu beton,
Ni erd esen ni zi ezmon,
Wesayıton dı şıno zemon,
Ez tedi biya teng, nefes mı bırıyên,
Ahh, derd kuli ıni bajaron,
Ahh derd u kuli ına xeribi
Werıb mı biyero dewon
Ma deştı dı geren, awır deni azmon
Verruej dı çarnen bızz u bıziyekon,
Wenıkı bi verisniye zımon,
Ahh derd u kuli ıni bajaron
Ahh derd u kuli ına xeribi
Sersıbe ewıll ma dı vejiyen ruej
Şefeq sıbe dı aw sera, qaqıbnen zareci
Maziyêron pel kerden a zerguni diyen verruejon
Kuçon şar ez kerda gejj
Welat kuen mı virr zerre mı gena yo dejj,
Ahh derd u kuli ıni bajaron,
Ahh derd u kuli ına xeribi
Êmır ma ğeribi dı viyert ra,
Ze çeme murat omı u şı,
Nişkawa depış,
Ez vineta dıma oniyawa pa
Ahh derd u kuli ıni bajaron
Ahh, derd u kuli ina xeribi
Mı xu di nidi ez ha xeribi da,
Serr yeni şini ez ha duri da,
Ğeribi, mi ri biya mesken
Şew u ruej ez ha tarida
Ahh derd u kuli ına xeribi
Ahh, derd u kuli ına xeribi,
Yazar: Harun İKİZ